SKGT
DE
NEUE CD - so hama - so dama
Da Sepp
...... aus`n wunderschen Traukira am Traunsee.
Da Sepp, Harringer Sepp is gebürtiger Emseer. Wânn a dahoam im Mühlbâchtâl beim Fensa ausse schaut siagt a üban Traunsee zum Traustoa umi.
Hinta eahm gehts übern Hochleckn zum Attersee und nem eahm nimmt se da berüchtigte Viachtauer Wind sein Ânlauf.
Wânn da Sepp zum Singa tieaf Luft hoit ..., dânn waht a a ândara Wind.
Da Sepp schreibt a Liada, spielt mit da Zug und pâscht bei De REFiRiG`n.
Und das eahm net z`Fad wird spüt a bei da Werkstatt-Musi B-Bass und is Präsident bei da Traunkirchner Mordsgschicht.
Da Pa z
..... aus da Kaiserstadt Bad Ischl.
Da Paz, Patrick Stollnberger, is gebürtiga Ischla. Im Sâlzkâmmaguat kinnan a de Junga guat ... und obwohl er in da Kaiser- und Operettenstadt
aufgwâchsn is rockt unser Patrick bei De REFiRiG`n die Gitar.
Kaiser, Operette, Rock Gitar und Ledahosn.
Und genau DES mâchts aus.
Da Patrick spüt a nu bei der ROCK-BAND "LIGHTNING STEEL" .
Dâ wern âba ÂNDERE SAITN aufzogn.
Da Sepp
Da Hecka
.... vom HECKA - WIRT aus der schönen Langwies.
Da Hecka, Paveronschütz Peter, aufgwâchsn im HECKA - WIRT, hât scho in jungen Jâhren Musi gspüt und eigene Liada aufgnumma.
Wânnst bei dem oan Fensa ausse schaust siagst bis zum Traustoa ... beim ândan Fensa bis zur Katrin .... hint is da Sâttl (Feuerkogl) varo de Hohe Schrott, danem rinnt de Traun zwischen und Höllen- und Toten Gebirge und duren Dâbodn geht de älteste Pipeline der Welt .... da Strehn (Soleweg).
Bei de REFiRiG`n spült a de Zug, singt und schreibt Liada und wânns paßt redt a a weng bled daher.
Und weil a bei jeder Gaudi mit dabei is is da HECKA a beim GEDI aus`n Sâlzkâmmaguat mit dabei.
Da Dino
Da DINO, Gerald Armbruckner is a Zuagroasta. Er is gebürtiga Marchtrenka und 1989 zweng da Ârbat nâ Ischl kema.
Des san jetz scho a pâar Jâhrl seit da DINO in Ischl is und er is scho a Dâsiga wârn und bei da Pfâhausa Musi is a a dabei. Wânns zum Ausrucka wird is a dâ !
Da Dino is scho seit`n 74er Jâhr bei etla verschiedenste Musi`n dabei gwen, von Rock bis Country. (The Histors, Concord, Gams`n`Rosn, PIK AS, TOP 7…)
Dâ is a zweidigst umadum kema .. vom Wiener Donauinselfest bis zum Oktoberfest in Tulsa, Oklahoma. Ibahaps hât a 20 Jâhr beim Niderman mit seiner Band mitgspüt. Dâ hât a mit`n „Hecka“ und
mit `n "PEDA" und mit`n "BERND" ?? scho zsâmgspüt. Haufadsweis eigene Liada und Plattenaufnahmen mit Eigenkompositionen hât da Dino gmâcht.
Bei de REFiRiG`n spüt a Bâss, Gitar, singt und beim Pâschn is a voi dabei.
Da DINO is aus`n Sâlzkâmmerguat und bei de REFiRiG`n neama zum wegdenka !
Da Günta
Beim Günta, HOFA Günta vo Lâmbach spüt allwei scho de Sâlzkâmmerguat Musi in seim Herzn drin. Zweng seiner Liab zum Sâlzkâmmerguat hât vor etla Jâhr scho a zünftige Musi zsâmgstöt und wei`s net netta Humpdada gspüt hâm, hât a de Musi de Phi(e)lsaitig`n gnennt.
Dânn hâms an Zugspüla gsuacht und hâm en HECKA aus`n Sâlzkâmmerguat gfundn. Seit dem spülns mitanând.
Wânns paßt hân de Phi(e)lsaitig`n âls Special Guests bei de „Sâlzkâmmerguat on Tour“ Events dabei.
Und wei da GÜNTA und da HECKA so an Reim hâm, jetz spüt da GÜNTA bei de REFiRiG`n
a de erste Geign.
Und des mit Bravour wei er ses Dânk seiner Fâchtl und „Phielsaitigkeit“ bis heit mit de REFiRiG`n nu net vageigt hât
Da Peda
Da PEDA, Peter Soder, is insa Gitarrist, a wâschechta Emseea.
Seit 40 Jâhr spüt da PEDA scho Country Musi und in de Kreise is a ois „Pistol Pete“ bekânnt.
Mitgspüt hât a (und spüt nu mit) bei de NASHVILLE, beim LEWIS NIDERMAN, beim Tex Robinson, bei de ARIZONA, bei de COUNTRY ROADS …. und nu etla ânane.
Er is z`weidigst umanâna kema …âba net netta dahaom wânnst moast. A vü im Auslând … und seine Gitarren Solos san haufadsweis auf de Country Plâttn und CDs zum hern.
Beim LEWIS NIDERMAN hân da HECKA und da DINO a scho mit eahm auf da Bühne gstândn … (und a da Bernd ??)
Jetz is oiwö mehra das a en Cowboy Huat mit da Ledahosn tauscht und er spüt mit vü Freid und vü Gaude mit seine oidn Musigspâna bei „DE REFiRiG`n“.
Da Lois
...... is quasi en SEPP sei Nâchbar.
Da Lois, SCHMID Lois is a wâschechta Neukiringa, zwischen Attersee und Traunsee dahoam, dâ waht a ândara Wind.
Verkehrstechnisch, so wiar a da SEPP, is da LOIS eigentlich scho unter`s Leb` (Löwendenkmal) dahoam, âba übern Brunnkogl is a nahada zu Emsee, Lângbâhtsee, als wiar âbe nâ Gmundn.
Bei de REFiRiG`n spüt da LOIS Schlâgzeig und hât a guats Gspühr für unsae Liada.
Bei da Neukiringa Blâsmusi is a a dabei.
Da LOIS, kema, glost und mitgspüt !
143
Da Bernd
Da BERND, Bernd BRÜCKL is a Müh`viertla Granitschädl mit Sâlzkâmmaguat Wurzln.
Er schreibt wiar a red` und spüt wiar a`s gspiert.
Mit`n DINO is a scho a Ewigkeit berfreundet und bemusiklt. De zwoa spün mehra mitanand ois wiar`s mitanand redn. Und so hât`n da DINO oafâch mitgnuma und er hât mitgspült dâ hâm ma nu goar net gwißt das a dabei is.
Jetz wiß ma`s und sâng DANKE das du mit ins mittuast … und a mitspüst.
Bass, Keyboard und Fotzhobö und Bassgeign ….. des is da BERND.
A REFiRiGA Müh`viertla, de meiste Zeit im Sâlzkâmmaguat.
….. und ….. a DA BERND is scho mit`n PEDA und HECKA und DINO mit`n NIDERMAN auf da Bühne gstândn …. âba so richtig erinnern kâ se koana ….. gg
143
Da Manager
Da Managa is de Sonja.
Die Sonja is dâ wânn da Huat brennt.
Sie mâcht a Büdl und Videos vo
insare Auftritte und schaut
das ma a weng umanânda
keman.
Wânnst wâs wissn wüst dânn
frâg de Sonja. Sie wird da dânn
scho weida helfn.
Mit ihr kânnst da insane Termine ausmâcha.
Tel: 0660 / 1306680